Páscoa
"I quando la última cisca de Febreiro se bai ampuntada pulas raças de sol de Márcio, zangúrria-se la calatriç de ls bielhos a las brigadas i ls uossos páran de le doler. Acubilha-se l lhume po riba de l Ambierno bielho, a guardar las brasas de Outubre inda çtante, mas yá naide assegura las risas de ls garotos que se scápan pulas jinelas de la scuola abiertas outra beç.
L sol sperta de l suonho de meses i, al spreguiçar-se, bolca l lhato de l berde que se strampalha por beigas i balhes, puntiado pul rugido de miles de quelores sumbradas a la suorte.
Lhuç! L’anchiente de lhuç acaba de secar las scarabanadas redadeiras, i l que reçuma nun ye auga mas la mai a sudar la ceçon cun que dar de quemer als filhos.
Zbolacéian fraldas de fuora pul termo i las mangas arregaçadas a çtapar manos ancalhadas que assegúran la rabiça préinhan la tierra de pormessas de tulha chena.
Las nuites ancuolhen-se an cuntriçones de anquemendaçones de las almas i ls dies ínchan acuquelhados cun l chilrar de ls paixaricos i l rugido de l’auga que cuorre de las fuontes. L uolmo más grande de la ribeira buolbe a tener ama – diç-lo l matracar de la duonha que se mistura cun l matracar de las tejeiras de poda an Molino de Bento.
Cada gromo ye ua jura de frol!
I quando la Quaresma se scapa, ambiocada nun xal negro i grimada cun l rugido de la Matraca ne ls caleijos de ls pobicos, las stebas çcúbren outra beç las cinco chagas an pormessas de redençon.
L Pai fai las pazes cun ls Homes.
I al treceiro die, L Filho que tamien fui home torna an milagres de Aleluias, ambuolto nun manto dourado de puolo de mimosa, i celebrado cun miles de repiquetes de campanicas queloridas stendidas por to ls canticos.
I senta-se cun ls homes a la fartura de las mesas, an quemunhones de panes i binos, i de risas i spranças, almiadas pul ramo de oulibeira anfeitado, que ls abençona de riba de l chupon.
I Abril da-le la risa para Maio, que há de ser Junho.
I ben ende muito nabego i l rechino de l sol."
L sol sperta de l suonho de meses i, al spreguiçar-se, bolca l lhato de l berde que se strampalha por beigas i balhes, puntiado pul rugido de miles de quelores sumbradas a la suorte.
Lhuç! L’anchiente de lhuç acaba de secar las scarabanadas redadeiras, i l que reçuma nun ye auga mas la mai a sudar la ceçon cun que dar de quemer als filhos.
Zbolacéian fraldas de fuora pul termo i las mangas arregaçadas a çtapar manos ancalhadas que assegúran la rabiça préinhan la tierra de pormessas de tulha chena.
Las nuites ancuolhen-se an cuntriçones de anquemendaçones de las almas i ls dies ínchan acuquelhados cun l chilrar de ls paixaricos i l rugido de l’auga que cuorre de las fuontes. L uolmo más grande de la ribeira buolbe a tener ama – diç-lo l matracar de la duonha que se mistura cun l matracar de las tejeiras de poda an Molino de Bento.
Cada gromo ye ua jura de frol!
I quando la Quaresma se scapa, ambiocada nun xal negro i grimada cun l rugido de la Matraca ne ls caleijos de ls pobicos, las stebas çcúbren outra beç las cinco chagas an pormessas de redençon.
L Pai fai las pazes cun ls Homes.
I al treceiro die, L Filho que tamien fui home torna an milagres de Aleluias, ambuolto nun manto dourado de puolo de mimosa, i celebrado cun miles de repiquetes de campanicas queloridas stendidas por to ls canticos.
I senta-se cun ls homes a la fartura de las mesas, an quemunhones de panes i binos, i de risas i spranças, almiadas pul ramo de oulibeira anfeitado, que ls abençona de riba de l chupon.
I Abril da-le la risa para Maio, que há de ser Junho.
I ben ende muito nabego i l rechino de l sol."
Alfredo Cameirão
Outro belo texto em Mirandês, 'cedido' pelo meu amigo Alfredo Cameirão, que assim retrata o ambiente que em tempos não muito distantes rodeava esta quadra em terras de Miranda.
Boa Páscoa para todos.
Boa Páscoa para todos.
2 comentários:
Amiga cochinica,
Sos ua lhariega mi tremenda! Ye ua proua (un "privilégio" cumo dezis an Pertués) tener-te cumo amiga!
Ouxalá tengas ua buona Páscoa, chena de todo de l melhor, i uas buonas férias se fur causo disso!
Cumo se diç porqui, que Dius me mande a mi metade de l que you te deseio a ti!
Beijicos
Tortulhas:
'Roubei-te' mais um texto. Espero que não te importes.
Boa Páscoa para ti também. Que tenhas tudo o que desejas, nem que seja só metade...
Um Xi de 'la cochinica'
[eu não estou, mas quase toda a 'malta' que costuma andar por aqui está efectivamente de férias]
Enviar um comentário